Rio-de-Janeyroda keçirilən yeniyetmələr və gənclər arasında qılıncoynatma üzrə dünya çempionatı fonunda Olimpiya Parkındakı velodromda güclü yanğın baş verib. Hadisə aprelin 8-i səhər erkən saatlarda baş verib. Təxminən 80 yanğınsöndürən və 20 texnika alovun söndürülməsinə cəlb olunub, yanğın nəzarətə götürülüb və ilkin məlumata görə, xəsarət alan olmayıb.
Beynəlxalq Qılıncoynatma Federasiyası bildirib ki, yarışlar həm Velodromda, həm də “Arena Carioca 1”-də keçirilirdi. Yanğından sonra bütün yarışlar təhlükəsiz məsafədə yerləşən “Arena Carioca 1″-ə köçürülüb.
Şəhər rəhbərliyi velodromun şəhər administrasiyasının tabeliyində olduğunu təsdiqləyib. Obyektin daxilində yerləşən Olimpiya Muzeyi də əsasən qorunub, kolleksiyadakı az sayda əşyanın cüzi zədələndiyi bildirilir. Yanğının səbəbi hazırda araşdırılır.
