ABŞ Prezidenti Donald Tramp İranla bağlı ritorikanı daha da sərtləşdirib. “Reuters“-in məlumatına görə, o, aprelin 7-də “Truth Social”-da paylaşım edərək bildirib ki, əgər münaqişəni dayandıracaq razılaşma əldə olunmasa, “bu gecə bütöv bir sivilizasiya yox olacaq”.
“Associated Press“-in yazdığına görə, Trampın son təyin etdiyi vaxt Vaşinqton vaxtı ilə saat 20:00-dır və bu təzyiq paketi İranın Hörmüz boğazını yenidən tam açması tələbi ilə bağlıdır. Nəşr həmçinin qeyd edir ki, Tramp daha əvvəl İran istədiyini etməsə, ölkənin elektrik stansiyaları və körpülərini vurmaqla hədələmişdi.
