ABŞ-ın İraq-İran sərhədindəki keçid məntəqəsinə endirdiyi zərbədən sonra İranmeylli qüvvələr ağır itkilər verib.
Məlumata görə, zərbə “Həşd əş-Şaabi”nin (Xalq Səfərbərlik Qüvvələri) böyük bölmələrinin İran ərazisinə keçmək üçün sərhədi keçdiyi anda endirilib. Bildirilir ki, çox sayda döyüşçü artıq pasport nəzarətindən keçərək gözləmə zonasında olduğu vaxt hədəf alınıb.
İraq rəsmiləri zərbənin terminalın İran tərəfinə endirildiyini təsdiqləyiblər. Hücum nəticəsində ən azı bir İraq vətəndaşı həlak olub, daha beş nəfər isə yaralanıb.
Buna cavab olaraq İraq hakimiyyəti “Aş-Şalamca” keçid məntəqəsini bütün nəqliyyat və sərnişin axını üçün dərhal bağlayıb, hərəkəti alternativ keçidlərə yönəldib.
