ABŞ Prezidenti Donald Tramp, İranın ABŞ ilə anlaşma etmək istədiyini açıqlayaraq, hazırda İranla müzakirələr apardıqlarını bildirib. Tramp, Tehranla bir razılaşmanın olub-olmayacağını zaman göstərəcəyini vurğulayıb və İranın müzakirə təşəbbüsünü dəyərləndirdiklərini qeyd edib.
Oval Ofisdə keçirilən müvəqqəti büdcə imza mərasimində danışan Tramp, həmçinin Rusiya-Ukrayna münaqişəsi ilə bağlı fikirlərini paylaşaraq, Putinin “Ukraynaya bir həftə hücum etməmə” sözünü tutduğunu və sülh razılaşmasının əldə olunmasını arzuladıqlarını bildirib.
ABŞ Prezidenti federal hökumətin qismən bağlanmasına səbəb olan maliyyə paketini imzalayaraq hökumətin yenidən açıldığını elan edib. İmzalanan paket, müdafiə, nəqliyyat, səhiyyə və sosial xidmətlər, təhsil, iş və digər nazirliklərin fəaliyyətini maliyyələşdirir. Tramp bunu “Amerika xalqı üçün böyük qələbə” adlandırıb və israfçılıqdan qaçaraq maliyyə baxımından məsuliyyətli bir qərar qəbul etdiklərini bildirib.
Tramp həmçinin, Ceffri Epşteyn işi ilə əlaqədar məsum olduğunu vurğulayaraq, ölkə idarəsinə fokuslanmalarının vacib olduğunu qeyd edib. O, həmçinin Epşteyn işində ifadə verəcək şəxslərdən biri olan Hillari Klinton barədə “çox yazıq” ifadəsini işlədib.
