Azərbaycanın Əməkdar artisti Elza Seyidcahan yaradıcılıq dünyasında ilham mənbələri, musiqi və şeir arasındakı əlaqələr barədə fikirlərini MSNews.az ilə bölüşüb.
Msnews.az-a açıqlamasında Əməkdar artist Elza Seyidcahan bildirdi ki, yaradıcı prosesdə ona ən çox ilham verən qeyrət, namus və vicdandır. Bu dəyərlər yoxdursa, dahi əsərlər yaranmaz. Gördüklərim, eşitdiklərim, bildiklərim – hər bir detal məni formalaşdırır. Hər peşəkar insanda ruh varsa, o ruh öz sözünü deyir. Qısacası, yaradıcılıq zamanı bizə ilham verən saf ruhumuzdur. Şair Cabir Novruzun dediyi kimi:
“Kaş millətdə ruh yaşasın!”
Bəstəkar xanım musiqi ilə şeir arasında olan sintezdən də danışdı:
“Musiqi ilə şeir arasında sərhədlər var və bu sərhədləri aşmasan, onları birləşdirə bilməzsən. Milyonlarla bəstələnən əsərdən yalnız biri-birinə uyğun olanlar yaşayıb qalır. Musiqi ilə şeir biri-biri üçün yaranmalıdırlar. Bu, əsrlər əvvəl böyük dahilərimizin sözlərinə bəstələnmiş əsərlərlə sübut olunub. Mən şeiri bəzən qıza, bəzən oğlana bənzədirəm”.
