Meyxanaçı Ağakərim Novruzovun vəfat etdiyi bildirilir. Bu barədə mərhumun yaxınları məlumat verib.
Xatırladaq ki, Ağakərim Novruzovun 2017-ci ilin mart ayında beyninə qan sızmış, həmin vaxtdan etibarən onun səhhətində ciddi problemlər yaranmışdı. İfaçı uzun müddət diabet xəstəliyindən əziyyət çəkib. O, 2017-ci ildə keçirdiyi insultdan sonra müalicə almış, 2021-ci ilin dekabrında isə ikinci dəfə insult keçirmişdir.
Ağakərim Novruzov 1 may 1964-cü ildə Bakının Maştağa kəndində anadan olub. 1981-ci ildə 209 saylı orta məktəbi bitirib. Meyxanaya marağı qonşusu, tanınmış meyxanaçı Ağasəlim Çıldağın audio kasetlərini dinlədikdən sonra yaranıb.
O, 1991-ci ildə Azərbaycan Respublikası üzrə keçirilən meyxana müsabiqəsinin qalibi, 1993-cü ildə isə Əliağa Vahidə həsr olunmuş “Qəzəlxan” festivalının ən yüksək mükafatı olan qızıl medalın sahibi olub.
2001-ci ildə meyxanaçının “Bu gedər, o biri gələr” adlı albomu işıq üzü görüb.
