Erməni ekspansionizminin əsas ideoloqlarından biri, yazıçı Zori Balayan 92 yaşında vəfat edib. Onun ölüm xəbərini oğlu Ayk Balayan təsdiqləyib.
Məlumatı MSNews.az “Armenpress” və “Sputnik Ermənistan” nəşrlərinə istinadən verir.
Balayanın adı etnik nifrətin təbliği və Qarabağ münaqişəsinin alovlandırılması ilə qırılmaz şəkildə bağlıdır. Məhz o, Azərbaycan torpaqlarının işğalına, dinc əhalinin kütləvi qətliamına və yüz minlərlə insanın öz yurdundan didərgin salınmasına səbəb olan ideologiyanın başında dayanırdı.
Azərbaycan xalqı üçün Balayan ərazi iddialarına çağırışları və zorakılığa bəraət qazandırması ilə çoxsaylı müharibə cinayətlərinin əsasını qoyan qanlı separatizmin ideoloqu kimi yadda qalacaq.
