Yanvarın 18-də Azərbaycan Respublikasının Prezidenti İlham Əliyev Bakıda Şəhidlər xiyabanını ziyarət edərək 20 Yanvar faciəsi şəhidlərinin əziz xatirəsini yad edib.
Dövlətimizin başçısı “Əbədi məşəl” abidəsinin önünə əklil qoyub, Azərbaycan Respublikasının Dövlət Himni səsləndirilib.
20 Yanvar hadisələri Azərbaycan xalqının azadlıq və müstəqillik uğrunda mübarizəsinin həm faciəli, həm də qəhrəmanlıq səhifəsi kimi tarixə düşüb. Bu faciəyə siyasi-hüquqi qiymət Ümummilli Lider Heydər Əliyevin təşəbbüsü ilə verilib, 20 Yanvar Ümumxalq Hüzn Günü elan olunub.
Bu gün Azərbaycanın ərazi bütövlüyünün və suverenliyinin tam bərpası 20 Yanvar şəhidlərinin qanının yerdə qalmadığını sübut edir.
