UEFA Çempionlar Liqasında 1/8 final mərhələsinə yekun vurulub və bütün 1/4 finalçı komandalar müəyyənləşib.
MSNews.az xəbər verir ki, gecənin ən diqqətçəkən qarşılaşmalarından birində Qalatasaray səfərdə Liverpula 0:4 hesabı ilə məğlub olaraq turnirlə vidalaşıb. İlk oyunda minimal hesablı qələbə qazanan İstanbul təmsilçisi ümumi nəticədə geri düşərək mübarizəni dayandırıb.
Digər oyunlarda Barselona Nyukasl üzərində 7:2 hesablı inamlı qələbə qazanaraq mərhələ adlayıb. Bavariya isə Atalantanı 4:1 hesabı ilə məğlub edərək növbəti mərhələyə yüksəlib.
Günün digər matçında Tottenhem Atletiko Madrid üzərində 3:2 hesablı qələbə qazansa da, ilk oyundakı nəticəyə görə mərhələni İspaniya klubu keçib.
Bundan əvvəl keçirilən qarşılaşmalarda Real Madrid, Sportinq, PSJ və Arsenal da 1/4 finala vəsiqə qazanmışdı.
Beləliklə, 1/4 final cütləri aşağıdakı kimidir:
- Sportinq – Arsenal
- Real Madrid – Bavariya
- PSJ – Liverpul
- Barselona – Atletiko Madrid
Qeyd edək ki, 1/4 final mərhələsinin ilk oyunları aprelin 7-də, cavab qarşılaşmaları isə aprelin 14-də keçiriləcək.
