Cənubi Afrika Respublikası DÇ-2026-nın A qrupunda Cənubi Koreyanı məğlub edərək tarixi uğura imza atıb.
MSNews.az xəbər verir ki, Cənubi Afrika Cənubi Koreya üzərində 1:0 hesablı qələbə qazanıb. Bu nəticə ilə komanda dünya çempionatları tarixində ilk dəfə pley-off mərhələsinə yüksəlib.
Matçın taleyini ikinci hissədə vurulan qol həll edib. 63-cü dəqiqədə Thapelo Maseko fərqlənərək Cənubi Afrikaya vacib qələbə qazandırıb.
Cənubi Koreya oyunda topa daha çox nəzarət etsə də, hücumda istədiyi effektivliyi göstərə bilməyib. Komandanın kapitanı Son Heung-min ikinci hissədə meydana daxil edilib, lakin bu dəyişiklik hesabı dəyişmək üçün kifayət etməyib.
Cənubi Afrika müdafiədə intizamlı çıxış edib və oyunun son dəqiqələrində Koreyanın təzyiqinə tab gətirib. Aubrey Modiba-nın qapı xəttindən topu çıxarması matçın əsas epizodlarından biri kimi qiymətləndirilib.
Bu qələbədən sonra Cənubi Afrika A qrupunu ikinci pillədə tamamlayıb. Komanda 1/16 finalda Kanada ilə qarşılaşacaq.
Cənubi Koreya isə qrup mərhələsini 3 xalla başa vurub. Komanda pley-offa yüksəlmək üçün ən yaxşı üçüncü yer sahibləri siyahısındakı nəticələri gözləməli olacaq.
