ABŞ Prezidenti Donald Tramp ilə Rusiya Prezidenti Vladimir Putin arasında bazar günü telefon danışığı baş tutub. Bu görüş Trampın Ukrayna Prezidenti Volodimir Zelenski ilə bu gün Florida ştatında keçirməyi planlaşdırdığı zirvə görüşündən əvvəl reallaşıb.
Tramp sosial mediada yayılan açıqlamasında Putin ilə “çox yaxşı və məhsuldar” bir telefon danışığı apardıqlarını bildirib. Danışıq zamanı əsas mövzu Ukrayna müharibəsinin gedişi və mümkün sülh planı müzakirə edilib.
Bu telefon görüşü, Tramp və Zelenski arasında Floridadakı görüşdən bir neçə saat əvvəl reallaşıb. Hər iki lider müharibəni sona çatdırmağa yönələn bir sülh təşəbbüsü üzərində müzakirələri davam etdirməyi planlaşdırır.
Moskva Trampın Ukrayna probleminin həll yolu axtarışını xüsusi işçi qrupları vasitəsilə davam etdirmək təklifini dəstəkləyib. Onların formatı və parametrləri yanvarın əvvəlində açıqlanacaq.
Tramp müharibəni mümkün qədər tez bitirmək istədiyini bildirib və Ukrayna böhranının onun ən çətin xarici siyasət məsələsi olduğunu etiraf edib. Hər iki lider müvəqqəti atəşkəsin yalnız münaqişəni uzada biləcəyi barədə razılığa gəlib. Hər iki tərəf hərbi əməliyyatlara son qoyulmasının yalnız Kiyevin məsuliyyətli qərarı ilə mümkün olduğu barədə razılığa gəlib. Tramp, xüsusilə, qeyd edib ki, münaqişə həll olunarsa, ABŞ və Rusiya arasında iqtisadi əməkdaşlıq üçün çox ciddi perspektivlər görür. Liderlər Trampın Zelenski ilə danışıqlarından sonra yenidən bir-birlərinə zəng etmək barədə razılığa gəliblər.
Bütün söhbət təxminən 1 saat 15 dəqiqə davam etdi.
Putin indiyədək Ukrayna ilə bağlı sülh planının şərtlərini qəbul etdiyini açıq şəkildə bildirməsə də, Trampın telefon danışığını “məhsuldar” kimi xarakterizə etməsi diplomatik vəziyyəti diqqət mərkəzinə gətirib.
Bu hadisə Rusiya-Ukrayna müharibəsinin fonunda baş verir və tərəflər arasındakı dialoqun səyləri hələ də ciddi çətinliklərlə üzləşir.
