Cənubi Meksikada 6,5 bal gücündə zəlzələ baş verib və Yeni il bayramı sonrası milyonlarla insanı küçələrə çıxarıb. Zəlzələ Gerrero əyalətində, Sakit Okean sahilinə yaxın, 35 km dərinlikdə qeydə alınıb, Bu barədə ABŞ Geoloji Xidməti məlumat verib.
Zəlzələ Mexiko şəhərində prezident Klaudia Şeinbaumun gündəlik mətbuat konfransını qısa müddət dayandırıb. Prezident və jurnalistlər sakit şəkildə konfrans zalını tərk ediblər. Daha sonra Şeinbaum konfransı davam etdirib.
Mexiko şəhərində heç bir ciddi zərər və xəsarət barədə məlumat verilməyib, lakin sakinlər evlərini tərk edib və küçələrdə təşviş içində olan insanlar və it səsləri müşahidə olunub.
Gerrero əyaləti Akapulko və digər kurort bölgələrinə ev sahibliyi edir, bu ərazilər turistlər üçün əsas cazibə məkanıdır. Qeyd edək ki, Akapulko 2023-cü ildə Kateqoriya 5 siklon tərəfindən ciddi zərər görmüşdü və bərpa işləri hələ davam edir.
