İtaliyanın paytaxtı Romada San Lorenzo in Lucina Bazilikasında aparılan restavrasiya işi ölkə gündəmini zəbt edib. Restavrasiya zamanı freskadakı mələk fiqurlarından birinin üzünün Ciorcia Meloniyə oxşar olması ictimai müzakirələrə səbəb olub.
Bazilikanın IV əsrə qədər uzanan tarixi boyunca yenilənən freskalardan birində yerləşən mələk fiqurunun üzündəki ifadənin Meloniyə bənzər olması sosial mediada geniş paylaşılıb və tənqidlərə yol açıb.
Kilsə rəsmi şəxsləri və restavratorların verdiyi açıqlamalara görə, bu dəyişiklik qəsdən edilib-edilmədiyi barədə hələ rəsmi məlumat yoxdur və bunun səbəbi araşdırılır. Bazilikanın yepiskopu müəllifə istinadən onların yalnız mövcud təsviri bərpa etdiklərini bildirib, lakin bu bənzətmənin geniş rezonans doğurduğunu qəbul edib.
İtaliya müxalifət partiyaları bu restavrasiyanın “mədəni mirasa müdaxilə” olduğunu və süni siyasət elementləri ilə manipulyasiya kimi qiymətləndirilə biləcəyini bildiriblər. İtaliya Demokratik Partiyası və digər partiyalar tərəfindən İtaliya Mədəniyyət Nazirliyinə qarşı əlavə izahat tələbləri irəli sürülüb.
Öz növbəsində Meloni sosial şəbəkədə paylaşdığı fotoya yüngül tonla münasibət bildirib və “Mən mələk deyiləm” ifadəsini istifadə edərək bənzətməni inkar edib və gülüşlə qarşılayıb.
