ABŞ Prezidenti Donald Tramp Venesuelanın müvəqqəti dövlət başçısı Delsi Rodriges ilə apardığı telefon danışığında iki ölkə arasında əməkdaşlıq gündəliyində neft, mədənlər, ticarət və milli təhlükəsizlik daxil olmaqla bir sıra vacib məsələlərin müzakirə olunduğunu bildirib.
Tramp sosial mediada paylaşımlarında görüşün çox yaxşı keçdiyini, Venesuelanın stabilləşməsi və bərpasına dəstək istiqamətində böyük irəliləyişlər əldə edildiyini vurğulayıb və ABŞ ilə Venesuela arasındakı bu tərəfdaşlığın hər kəs üçün əla olacağını bildirib.
O qeyd edib ki, müzakirə olunan mövzular arasında neft və mineral resurslarının istismarı, ticarət əməkdaşlığı və təhlükəsizlik məsələləri xüsusi yer alıb. Tramp həmçinin bu əməkdaşlığın sayəsində Venesuelanın tezliklə daha böyük və firavan bir ölkə olacağına ümid etdiyini qeyd edib.
Rodriges də öz növbəsində telefon danışığını uzun və qarşılıqlı hörmətə əsaslanan dialoq kimi xarakterizə edərək bu görüşdə xalqlar üçün faydalı ikitərəfli əməkdaşlıq gündəliyinin və hökumətlər arasındakı həllini gözləyən məsələlərin müzakirə olunduğunu bildirib.
Eyni gündə ABŞ Senatı Trampın Venesuelada hərbi güc istifadə etməsini məhdudlaşdırmaq üçün təqdim olunan qərarı rədd edib; 50-50 səslə nəticələnən səsvermədə vitse-prezident CD Vens “tie-breaker” səsi ilə təşəbbüsü bloklayaraq Trampın hərbi səlahiyyətlərini məhdudlaşdırmağı qarşısını alıb.
Bu danışıqlar və ABŞ Senatında qəbul olunan qərar Venesuela ilə ikitərəfli münasibətlərin inkişafı, enerji və təhlükəsizlik sahəsində əməkdaşlıq imkanlarının müzakirəsi, həmçinin Tramp administrasiyasının xarici siyasətdəki prioritetləri fonunda diqqətlə izlənir.
