Hindistanda hər bir evlilik bir festivalı xatırladır. Rəngli rituallar, ənənəvi oyunlar, emosional anlar və əlbəttə ki, çoxçeşidli, zəngin süfrələr… Xüsusilə də gəlin və bəyin xəyallarını gerçəkləşdirdiyi bu mərasimlər bəzən təmtəraq və dəbdəbəsi ilə dünya gündəminə düşür. Cəmiyyətin sosial çətinlikləri fonunda belə, bu toyların dəbdəbəsi kölgədə qalmır. Bu məqalədə Hindistanın ən bahalı evliliklərini təqdim edirik.
1. İşa Ambani və Anand Piramal
Ambani ailəsinin toyu Hindistan tarixinin ən bahalı evliliklərindən biridir. Təxminən 700 kror (≈175 milyon dollar) dəyərində olan toy 12 dekabr 2018-ci ildə Mumbaydakı Ambani iqamətgahında – Antiliada keçirilib. Mərasimə Hilari Klinton, Henri Travis və Beyons kimi məşhurlar qatılıb. İşa Ambani, Hindistanın ən varlı iş adamı Mukeş Ambaninin yeganə qızı olduğundan, bu toy həm də ölkənin “ən bahalı toyu” kimi tanınır.
2. Suşant Roy və Seemanto Roy
Sahara Hindistanının sədri Subrata Roy, oğulları Suşant və Seemanto üçün Laknauda ikiqat toy mərasimi təşkil edib. Toyun ümumi qiyməti 552 milyon dollar olub. Mərasimdə 110 müxtəlif ölkənin mətbəxindən hazırlanan yeməklər təqdim edilib. Aişvarya Ray Baçan və Kapil Dev kimi məşhurlar qonaq siyahısında yer alıb.
3. Brahmani və Raciv Reddi
Mədən maqnatı Canardhanın qızı Brahmani ilə Heydərabadlı iş adamı Raciv Reddinin toyu 16 noyabr 2016-cı ildə keçirilib. Bu toyun ümumi xərci 550 milyon dollar təşkil edib və Hindistanın ən bahalı evliliklərindən biri kimi tarixə düşüb.
4. Srişti Mittal və Gulrac Behl
Polad sənayesinin nəhəngi Lakşmi Mittalın qardaşı qızı Srişti Mittal, 2013-cü ilin dekabrında İspaniyada Gulrac Behl ilə ailə qurub. Toyun ümumi dəyəri təxminən 500 kror (≈125 milyon dollar) olub.
5. Amit Bhatia və Vanişa Mittal
Lakşmi Mittalın qızı Vanişa Mittalın Parisdə altı gün davam edən toy mərasimi 350 krora (≈87,5 milyon dollar) başa gəlib. 2004-cü ildə baş tutan bu təmtəraqlı mərasimə Kayli Minoq və Şahrux Xan da daxil olmaqla çox sayda dünya məşhuru qatılıb.
6. Lalit Tanvar və Yogita Caunapuria
Konqres naziri Kanvar Tanvarın oğlu Lalit Tanvar 2011-ci ildə Yogita ilə ailə qurub. Toy 250 krora başa gəlib və 12 böyük televiziya kanalında yayımlanıb. Mərasimi daha təmtəraqlı edən isə gəlinin ailəsinin hədiyyə etdiyi “Big Bell 249” helikopteri olub.
7. Sana Xan və Adel Sacan
“Danube Group”un direktoru Adel Sacan və Sana Xanın 2017-ci ilin aprelində lüks kruiz Faskinosada baş tutan dörd günlük tematik toyu ümumilikdə 200 krora yaxın xərc tələb edib.
8. Sancay Hinduca və Anu Mahtani
12 fevral 2015-ci ildə Udaypurda baş tutan bu toy 140 krora başa gəlib. Sancay Hinduca Böyük Britaniyanın ən varlı ailələrindən birinin nümayəndəsidir. Toyda dünya ulduzu Cennifer Lopez çıxış edib.
9. Vineeta Agarval və Muqit Teca
Vineeta (milyarder Pramod Agarvalın qızı) və Muqitin Kaliforniyada keçirilən 14 may 2011-ci tarixli toyu 130 krora başa gəlib. Mərasim üçün güllər xüsusi olaraq Parisdən gətirilib və toyda Şakira da iştirak edib.
10. Vikram Çatval və Priya Saçdev
ABŞ-da otel sahibi olan Vikram Çatvalın toyu 100 kror dəyərində olub. Mərasimdə Şahrux Xan və şahzadə Nikolas kimi tanınmış simalar iştirak ediblər.
