Azərbaycan Respublikasının Prezidenti İlham Əliyevlə Tacikistan Respublikasının Prezidenti Emoməli Rəhmon arasında oktyabrın 14-də görüş keçirilib. Görüşdə iki ölkə arasında dostluq münasibətlərinin inkişafı, çoxtərəfli əməkdaşlığın dərinləşdirilməsi, eləcə də regional və beynəlxalq təşkilatlar çərçivəsində əlaqələrin gücləndirilməsi məsələləri müzakirə olunub.
MSNews.az xəbər verir ki, görüş zamanı Tacikistan Prezidenti Emoməli Rəhmon Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Zirvə Görüşünə dəvətə və göstərilən qonaqpərvərliyə görə Azərbaycan Prezidenti İlham Əliyevə minnətdarlığını bildirib.
Dövlət başçıları Azərbaycan və Tacikistan arasında mövcud dostluq münasibətlərindən məmnunluqlarını ifadə ediblər.
Söhbət zamanı iki ölkə arasında əlaqələrin daha da genişləndirilməsi və müxtəlif istiqamətlər üzrə əməkdaşlığın inkişaf etdirilməsi imkanları ətrafında fikir mübadiləsi aparılıb.
Görüşdə çoxtərəfli əməkdaşlığın dərinləşdirilməsi məsələlərinə də xüsusi diqqət yetirilib. Tərəflər bu istiqamətdə mövcud imkanları nəzərdən keçiriblər.
Azərbaycan və Tacikistan prezidentləri regional və beynəlxalq təşkilatlar çərçivəsində əməkdaşlığın gücləndirilməsi məsələlərini də müzakirə ediblər.
Qeyd edək ki, Emoməli Rəhmonun Bakıya səfəri Azərbaycanın ev sahibliyi etdiyi AQEM Zirvə Görüşü ilə əlaqədardır.
