Oktyabrın 12-də Azərbaycan Respublikasının Prezidenti İlham Əliyevin və birinci xanım Mehriban Əliyevanın adından Kamboca Krallığının Baş naziri Hun Manetin və birinci xanım Piç Çanmoninin şərəfinə rəsmi nahar verilib.
MSNews.az xəbər verir ki, rəsmi nahar Kamboca hökumət başçısının Azərbaycana səfəri çərçivəsində təşkil olunub.
Bundan əvvəl Bakıda Baş nazir Hun Manetin rəsmi qarşılanma mərasimi keçirilib. Azərbaycan Prezidenti İlham Əliyev ilə Kambocanın Baş naziri arasında məhdud və geniş tərkibdə görüşlər baş tutub. Bu barədə Azərbaycan Prezidentinin rəsmi saytında məlumat verilib.
Səfər çərçivəsində iki ölkə arasında diplomatik təhsil, ikiqat vergitutmanın aradan qaldırılması və ticarət-iqtisadi əməkdaşlıq sahələrini əhatə edən üç sənəd də mübadilə olunub.
