Meksika DÇ-2026-nın A qrupunda Çexiyanı 3:0 hesabı ilə məğlub edərək pley-off mərhələsinə qrup lideri kimi yüksəlib.
MSNews.az xəbər verir ki, Meksikan bu qələbə ilə qrup mərhələsini üç oyunda üç qələbə ilə başa vurub. Ev sahibi komanda qrup oyunlarında qapısından qol buraxmayıb.
Qarşılaşmada hesabı Mateo Çaves açıb. Daha sonra Xulian Kinyones Meksikanın üstünlüyünü artırıb. Oyunun sonlarında isə Alvaro Fidalqo fərqi üç topa çatdıraraq yekun nəticəni müəyyənləşdirib.
Meksika baş məşqçi Xavyer Aqirrenin rəhbərliyi altında rotasiyaya baxmayaraq, inamlı oyun nümayiş etdirib. 17 yaşlı Gilberto Mora start heyətində meydana çıxaraq azarkeşlərin diqqətini cəlb edib.
Meksika bu nəticədən sonra A qrupunu 9 xalla lider tamamlayıb və pley-off mərhələsinə vəsiqə qazanıb. Komanda qrup mərhələsində Cənubi Afrikanı, Cənubi Koreyanı və Çexiyanı məğlub edib.
Çexiya isə Meksika ilə oyunda istədiyi nəticəni əldə edə bilməyib. Komanda qrup mərhələsini qələbəsiz başa vuraraq DÇ-2026 ilə vidalaşıb.
Çexiya millisinin baş məşqçisi Miroslav Koubek turnirdən sonra komandanın çıxışını səhvlər və səfər yorğunluğu ilə əlaqələndirib.
