İsveçrə DÇ-2026-nın B qrupunda Bosniya və Herseqovina üzərində inamlı qələbə qazanıb.
MSNews.az xəbər verir ki, qarşılaşma İsveçrənin 4:1 hesablı qələbəsi ilə başa çatıb.
Matçın ilk hissəsi qolsuz yekunlaşıb. İsveçrə topa daha çox nəzarət etsə də, Bosniya və Herseqovina müdafiədə intizamlı oynayaraq fasiləyə qədər qapısını toxunulmaz saxlayıb.
Oyunun taleyi ikinci hissənin son bölümündə dəyişib. İsveçrənin əvəzetmələri nəticəyə ciddi təsir göstərib. Johan Manzambi 75-ci dəqiqədə hesabı açıb, 85-ci dəqiqədə Ruben Vargas fərqi iki topa çatdırıb.
80-ci dəqiqədə Bosniya və Herseqovina futbolçusu Tarik Muharemovic son ümid foluna görə birbaşa qırmızı vərəqə alıb. Bundan sonra İsveçrə üstünlüyünü daha da artırıb.
90-cı dəqiqədə Manzambi dublunu rəsmiləşdirib. Bosniya və Herseqovina 90+3-cü dəqiqədə Ermin Mahmicin uzaq məsafədən vurduğu möhtəşəm qolla fərqi azaltsa da, 90+6-cı dəqiqədə Granit Xhaka penaltidən son nöqtəni qoyub.
İsveçrə ilk turda Qətərlə 1:1 hesablı heç-heçədən sonra bu oyuna xüsusi motivasiya ilə çıxırdı. Murat Yakinin komandası bu qələbə ilə pley-off mərhələsinə yüksəlmək şansını ciddi şəkildə artırıb.
Qeyd edək ki, Bosniya və Herseqovina ilk turda Kanada ilə 1:1 heç-heçə etmişdi. İsveçrə isə qrupun son turunda Kanada ilə qarşılaşacaq.
