Azərbaycan Respublikasının Gənclər və İdman Nazirliyi**nin Gənclərlə iş şöbəsinin müdiri vəzifəsi Ülviyyə Axundovaya həvalə olunub.
Məlumata görə, bununla bağlı müvafiq əmri gənclər və idman naziri Fərid Qayıbov imzalayıb.
Qeyd edək ki, Ülviyyə Axundova 2023-cü ilin oktyabr ayından etibarən bu təyinata qədər nazirliyin Gənclərlə iş şöbəsinin müdir müavini vəzifəsində çalışıb.
O, 2014–2018-ci illərdə Azərbaycan Dövlət İqtisad Universitetinin SABAH qruplarında bakalavr təhsili alıb. Hazırda isə magistratura təhsilini Azərbaycan Dövlət Neft və Sənaye Universitetində davam etdirir.
Ülviyyə Axundova 2023-cü ildə Azərbaycan Respublikası Prezidentinin sərəncamı ilə “Gənclər siyasəti və gənclərlə iş” sahəsində fəaliyyətinə görə Gənclər üçün Prezident Mükafatına layiq görülüb.
O, 2015–2023-cü illər ərzində müxtəlif gənclər və vətəndaş cəmiyyəti təşkilatlarında fəal ictimai fəaliyyət göstərərək bir sıra layihə və proqramlara rəhbərlik edib.
