Tailandda 8 fevralda keçirilən erkən ümumi seçkilərdə Baş nazir Anutin Çarnvirakulun rəhbərlik etdiyi Bhumjaithai Partiyası ən çox yer qazanaraq qələbəni təmin edib.
Rəsmi olmayan nəticələrə görə, partiya 194 deputatlıq mövqeyə sahib olub. Onu Xalq Partiyası 116, Pheu Thai Partiyası 76 deputatla izləyib, Klatham Partiyası isə dördüncü sırada yer alıb.
Seçkilərlə eyni zamanda keçirilən konstitusiya referendumunda, təxminən 19 milyon seçici (səsverməyə qatılanların 60%-i) yeni konstitusiyaya “bəli”, 10 milyon seçici isə (32%) “xeyr” deyib, təxminən 2,88 milyon seçici isə neytral qalıb.
Hökuməti formalaşdırmaq üçün 251 deputat lazımdır. Bhumjaithai Partiyası tək başına bu saya çata bilmədiyi üçün, əvvəlki hökumətdə də koalisiyada olduğu Klatham Partiyası ilə birgə koalisiyaya getməsi gözlənilir.
Baş nazir Anutin Çarnvirakul, 2026-cı ilin əvvəlində Tailand Kralı Maha Vajiralonqkornun verdiyi icazə ilə 12 dekabr 2025-ci ildə Nümayəndələr Məclisini buraxmışdı. Bu parlamentin buraxılması Kamboca ilə sərhəddə yenidən başlayan toqquşmaların beşinci gününə təsadüf etmişdi.
Qeyd edək ki, son 87 ildə Tailand parlamenti 16 dəfə buraxılıb. İlk buraxılma 1938-ci ildə baş verib, sonrakılar isə 1945, 1976, 1983, 1986, 1988, 1992, 1995, 1996, 2000, 2006, 2011, 2013, 2023 və 2025-ci ilin fevral və dekabr aylarında olub.
