Moldova parlamenti Müstəqil Dövlətlər Birliyi (MDB) ilə bağlı əsas sənədlərdən çıxışı son oxunuşda təsdiqləyib.
Qərara əsasən, ölkə MDB-nin yaradılması haqqında sazişdən və Alma-Ata Bəyannaməsindən rəsmən imtina edir. Bu addım Kişinyovun postsovet məkanındakı inteqrasiya mexanizmlərindən uzaqlaşmaq siyasətinin davamı kimi qiymətləndirilir.
Qərar Moldovanın xarici siyasət kursunda daha çox Avropa yönümlü inteqrasiyaya üstünlük verdiyini bir daha göstərir. Rəsmi Kişinyov uzun müddətdir MDB çərçivəsində bir sıra sazişlərdən mərhələli şəkildə çıxırdı.
