Kanada DÇ-2026-nın B qrupunda Qətər üzərində tarixi və böyükhesablı qələbə qazanıb.
MSNews.az xəbər verir ki, “FIFA” Kanada millisinin Vankuverdə Qətəri 6:0 hesabı ilə məğlub etdiyini yazır. Bu nəticə Kanada kişi yığmasının Dünya Kuboku tarixində ilk qələbəsi kimi qeydə alınıb.
Oyunun əsas qəhrəmanı Jonathan David olub. Hücumçu het-trik edərək komandasının inamlı qələbəsində həlledici rol oynayıb. Kanadanın digər qollarını Cyle Larin və Nathan Saliba vurub, daha bir qol isə Qətərin avtoqolu kimi qeydə alınıb.
“The Guardian” yazır ki, Kanada matç ərzində tam üstünlük nümayiş etdirib. Qətər oyunu 9 nəfərlə başa vurub və bu, hesabın daha da böyüməsinə təsir edib.
Bununla belə, Kanadanın tarixi qələbəsi Ismaël Konenin ağır zədəsi ilə kölgələnib. “Reuters” agentliyinin məlumatına görə, yarımmüdafiəçi ikinci hissədə sərt müdaxilədən sonra ayağını sındırıb və xəstəxanaya aparılıb.
Kanada bu qələbə ilə “B” qrupunda mövqeyini xeyli gücləndirib. Komanda ilk turda Bosniya və Herseqovina ilə 1:1 hesablı heç-heçə etmişdi.
Qətər isə ilk turda İsveçrə ilə 1:1 heç-heçə etdikdən sonra Kanadaya ağır məğlubiyyətlə üzləşib. Komanda qrupdan çıxmaq şansını son turda Bosniya və Herseqovinaya qarşı oyunda qorumağa çalışacaq.
