Prezident İlham Əliyev aprelin 7-də Azərbaycanın ərazi bütövlüyünün qorunmasında xüsusi xidmətləri olmuş şəxslərin təltif edilməsi haqqında sərəncam imzalayıb.
Sərəncamla ümumilikdə 41 hərbi qulluqçu və hərbi vəzifəli şəxs müxtəlif orden və medallarla təltif olunub. Onlardan polkovnik-leytenant Məmmədov Azər Kərəm oğlu 3-cü dərəcəli “Vətənə xidmətə görə” ordeninə layiq görülüb. Bundan başqa, 12 nəfər “Vətən uğrunda”, 7 nəfər “İgidliyə görə”, 21 nəfər isə “Hərbi xidmətlərə görə” medalı ilə təltif edilib.
Rəsmi sənəddə mayorlardan gizirlərə, kapitanlardan ehtiyatda və istefada olan hərbi qulluqçularadək müxtəlif rütbələrdə şəxslərin adları yer alır.
