Alman qəzetləri, Daltonlar mafiyasından ayrılan “Ezginler” adlı yeni nəsil türk kriminal şəbəkəsi Berlində terror əsdirdiyi barədə xəbər verir.
Polis məlumatlarına görə, şəbəkə, xüsusilə, türklərə məxsus restoran və dükanlardan 100 min avroya qədər xərac tələb edir. Xərac verməyi rədd edənlərin iş yerlərinə isə silah və molotov kokteyli ilə hücumlar təşkil olunur.
Ezginlər şəbəkəsi, 16–30 yaş arasında dəyişən gənclərdən ibarətdir və restoranları talamaq, evləri soymaq, narkotik və silah ticarəti ilə məşğuldur. Alman polisi cinayətkar qrupun fəaliyyətini türk iş yerlərinə qarşı italyan mafiyasına bənzər bir model kimi qiymətləndirir.
Qruplaşmanın “infaz timi” adlandırdığı qrupları, silah və motosikletlərlə sürətli hərəkət edərək hədəf aldığı müəssisələrdən sonra sürətlə qaçır. Alman polisinin açıqlamasına görə, qrup əsas məqsəd olaraq türk müəssisələrini sistematik şəkildə nəzarət altında saxlamaq istəyir.
Ezginlər qruplaşması Daltonlardan ayrılaraq müstəqil bir silahlı cinayət təşkilatı halına gəlib, lakin alman kəşfiyyatına görə Daltonların mafiya başçısı Barış Boyun ilə əlaqələri hələ də davam edir. 24 yaşlı Emirhan G. qrupu idarə edirdi və 2024-cü ildə silahlı təşkilat rəhbərliyi ittihamı ilə həbs edildi.
2024-cü ildən bəri alman polisi Ezginlərə qarşı genişmiqyaslı əməliyyatlar həyata keçirir. Son bir ildə 350-dən çox silah və təxminən 1000 qanunsuz silah ələ keçirilib, bir əməliyyatda isə 58 min avro nağd pul tapılıb.
Polisin məlumatına görə, Daltonlara bağlı digər türk çeteleri İngiltərə, Fransa və İtaliyada da fəaliyyət göstərir və bu qollar birlikdə cinayət şəbəkəsini genişləndirirlər.
