11-12 dekabr tarixlərində Türkmənistanın paytaxtı Aşqabadda keçiriləcək zirvə çərçivəsində Türkiyə Prezidenti Rəcəb Tayyib Ərdoğan ilə Rusiya Prezidenti Vladimir Putin bir araya gələcək.
Kreml tərəfindən verilən açıqlamaya görə, iki lider 12 dekabrda Türkmənistanın daimi bitərəflik statusunun tanınmasının 30-cu ildönümü münasibətilə Aşqabadda keçiriləcək tədbirlərdə iştirak edəcək.
Görüşdə ikili arasında hansı məsələlərin müzakirə olunacağı hələlik açıqlanmayıb. Lakin gözləntilərə görə, Ukrayna savaşı ilə bağlı son vəziyyət və Türkiyə-Rusiya enerji ticarəti gündəmin əsas mövzularından olacaq.
