Çinli “Nostradamus” kimi tanınan kəhanətçi Jiang Xueqin dünya üçün yeni qorxulu proqnozlar verib. Onun sözlərinə görə, artıq Üçüncü Dünya Müharibəsi başlayıb və münaqişədə ABŞ uduzacaq.
2024-cü ildə Çinli-kanadalı professor Jiang Xueqin YouTube kanalı “Predictive History” vasitəsilə ABŞ–İran qarşıdurmasını proqnozlaşdırmışdı. Onun bu çıxışı 2026-cı ilin mart ayında sosial mediada yenidən viral oldu, xüsusilə iki ölkə arasında gərginlik artdığı bir vaxtda.
Professor Jiang üç əsas proqnoz irəli sürmüşdü: Donald Trump-ın hakimiyyətə qayıdacağı, ABŞ–İran müharibəsi riski və belə bir münaqişənin ABŞ üçün uğursuz nəticələnəcəyi. İlk iki proqnoz artıq geniş müzakirə olunur və sosial şəbəkələrdə Jiang-ı “Çinli Nostradamus” adlandırırlar.
Jiang tarix və fəlsəfə üzrə tədris aparır, Yale College məzunudur və Çin təhsil islahatlarında fəal iştirak edib. Onun psychohistory-dən ilhamlanan yanaşması tarixi dövrləri analiz edərək gələcək hadisələri proqnozlaşdırmağa çalışır.
2024-cü ilin mayında keçirilmiş mühazirəsində Jiang bildirib ki, Trump-ın ikinci dönəmi ABŞ-ı İranla qarşıdurmaya sürükləyə bilər. O, İranın dağlıq relyefi, uzun təchizat xətləri və güclü daxili müqaviməti səbəbindən ABŞ üçün uzunmüddətli işğalın çətin olacağını vurğulayıb.
Jiang həmçinin bildirib ki, İranın müttəfiq qrupları — Hizbullah, Husi hərəkatı və HƏMAS — ABŞ-ın gücünü zəiflətmək üçün strategiyalar hazırlayıblar və amerikalıların qərarvermə nümunələrini analiz edərək taktikalarını uyğunlaşdırıblar.
Əvvəllər onun “YouTube” kanalı demək olar ki, diqqətdən kənarda qalmışdı və cəmi bir neçə baxış olub. Amma indi proqnozları tutduğundan, videosu viral olub və üç gün ərzində onun kanalı 100.000-dən çox abunəçi toplayıb.
Son çıxışlarında və nəşrlərində Tramp həqiqətən də terrorizm, nüvə təhlükəsi və mümkün hərbi əməliyyatlara bəraət qazandıran İsrailin dəstəyinə diqqət yetirib.
“İsrail Yaxın Şərqin alfa dövlətinə çevriləcək. Əgər İran və ABŞ zəifləsələr, heç bir əks çəki olmayacaq”, – Li Qian deyib.
O əlavə edib ki, ABŞ-ın da oxşar məğlubiyyətə düçar olacağı ehtimalı var: “Müharibədə qalib gəlmək üçün mühasirəyə düşməkdən qaçmaq, qüvvələrinizi cəmləşdirmək və etibarlı təchizat xətlərini təmin etmək lazımdır. İranın coğrafiyası və əhalisinin birliyi bunu mümkünsüz edir”.
“Çinli Nostradamus” həmçinin ABŞ-ın İrana 100 minə qədər əsgər göndərə biləcəyini ehtimal edib, lakin qeyd edib ki, müttəfiqlərinin dəstəyi olmadan bu, kifayət etməyəcək. Və bu cür dəstəyi şübhə altına alıb.
“İran kimi bir ölkəyə həqiqətən nəzarət etmək və işğal etmək üçün minimum 3 milyon əsgər lazım olacaq”, – deyən Tsyan belə bir ssenarini “hərbi və siyasi baxımdan qeyri-real” adlandırıb.
Tsyan ABŞ-ın İrana qurudan müdaxiləsinə qarşı xəbərdarlıq edərək, İranın dağlarında və qayalıq ərazilərindəki Amerika qoşunlarının “əsgərdən çox girov” olacağını deyib. O, qüvvələri cəmləşdirə bilməməyin, təchizatda çətinliklərin və çətin geri çəkilmənin strateji çətinliklərini vurğulayıb.
Onun təxminlərinə görə, İranın tam miqyaslı fəthi üçün 3-4 milyon əsgər tələb olunur ki, bu, artıq kadr çatışmazlığı olan və xarici silah istehsalından asılı olan hazırkı Amerika ordusunun imkanlarından çox-çox yüksəkdir.
Li Qian iddia edir ki, müharibənin mərkəzində geosiyasi gərginliklər, enerji resursları və silahlanma yarışları dayanır. O, həmçinin bildirib ki, yaxın illərdə dünyada iqtisadi və siyasi xaos artacaq və bir sıra ölkələr öz strateji mövqelərini itirə bilər.
Kritik məqamlardan biri isə, kəhanətçiyə görə, Asiya qüvvələrinin yüksəlişi və Qərb blokunun zəifləməsi olacaq. Li Qianin sözlərinə görə, ABŞ regionda strateji səhvlər edərək güc balansını itirə bilər.
Ekspertlər isə bildirirlər ki, bu tip kəhanətlər daha çox mədəni və populyar maraq doğurur, amma real geosiyasi risklər əslində daha mürəkkəb və proqnozlaşdırılması çətindir.
