Bakının Yasamal rayonunda yerləşən orta məktəblərdən birində yanğın törətməyə cəhd göstərilməsi ilə bağlı 6 nəfər saxlanılıb. Saxlanılanlardan beşinin həmin təhsil müəssisəsinin 10 və 11-ci sinif şagirdləri olduğu məlum olub.
MSNews.az xəbər verir ki, hadisə oktyabrın 12-də baş verib.
Daxili İşlər Nazirliyinin məlumatına görə, polis əməkdaşlarının keçirdiyi tədbirlər nəticəsində yanğın törətməyə cəhddə şübhəli bilinən, əvvəllər məhkum olunmuş Məhəmməd İsmayılov və həmin məktəbdə təhsil alan daha beş nəfər saxlanılıb.
İlkin məlumatlara əsasən, hadisənin qarşısı vaxtında alınıb və xəsarət alan olmayıb.
Faktla bağlı Cinayət Məcəlləsinin müvafiq maddəsi üzrə cinayət işi başlanılıb, araşdırma davam etdirilir.
