Azərbaycan klublarının 2026/2027 mövsümü üzrə avrokuboklardakı ilk rəqibləri müəyyənləşib.
MSNews.az xəbər verir ki, UEFA turnirlərinin I təsnifat mərhələsinin püşkatmasından sonra “Qarabağ”, “Sabah” və “Zirə”nin rəqibləri bəlli olub.
UEFA Çempionlar Liqasında mübarizə aparacaq “Sabah”ın rəqibi müəyyənləşib. Azərbaycan çempionu I təsnifat mərhələsində Uels təmsilçisi “The New Saints” komandası ilə üz-üzə gələcək.
“Sabah” ilk matçını iyulun 7 və ya 8-də Bakıda keçirəcək. Cavab görüşü isə iyulun 14 və ya 15-də səfərdə oynanılacaq. “-UEFA-nın təqviminə əsasən, Çempionlar Liqasının I təsnifat mərhələsinin oyunları məhz bu tarixlərdə keçiriləcək.
“Qarabağ” UEFA Avropa Liqasının I təsnifat mərhələsində İslandiyanın “Vestri” klubu ilə qarşılaşacaq. Ağdam təmsilçisi ilk oyunu iyulun 9-da evdə keçirəcək. Cavab qarşılaşması isə iyulun 16-da baş tutacaq.
UEFA Konfrans Liqasında isə “Zirə” Gürcüstanın “Torpedo” Kutaisi klubu ilə qarşılaşacaq. AFFA-nın məlumatına görə, Bakı təmsilçisi ilk matçını iyulun 9-da evdə, cavab görüşünü isə iyulun 16-da səfərdə keçirəcək.
Beləliklə, Azərbaycan klublarının avrokuboklarda ilk mərhələ cütləri belədir:
“Qarabağ” – “Vestri”
“Sabah” – “The New Saints”
“Zirə” – “Torpedo” Kutaisi
I təsnifat mərhələsinin qalibləri növbəti raunda yüksələcəklər. “Sabah” Çempionlar Liqasında mərhələni keçə bilməsə, mübarizəni UEFA-nın digər turnirində davam etdirmək imkanı qazanacaq.
