Pavel Durov Fransa Prezidenti Emmanuel Makronun qeyri-ənənəvi cinsi orientasiyasına eyham vurub.*
Daha əvvəl “Telegram”un qurucusu “X” platformasında özünün “sperma donorluğu proqramı” üçün nəzərdə tutulmuş loqonun eskizini paylaşıb. Rəsmdə dairə içərisində yerləşdirilmiş ingilis əlifbasının “p” və “d” hərfləri təsvir olunub. Sahibkar izləyicilərindən bunun “kifayət qədər minimalist görünüb-görünmədiyini” soruşub.
İntriqa Durovun izləyicilərindən birinə verdiyi cavabdan sonra yaranıb. Həmin istifadəçi qeyd edib ki, Fransada “pd” abreviaturası homoseksual* mənasını verir.
“Deməli, bu, homoseksual* kimi görünən, amma əslində homoseksual* olmayan bir layihə olacaq. Fransa prezidenti kimi, sadəcə əksinə”, — deyə “Telegram”un qurucusu bildirib.
Pavel Durov ilə Fransa hakimiyyəti arasında gərgin münasibətlər 2024-cü ilin avqustunda sahibkarın Paris hava limanında saxlanılmasından sonra başlayıb. O, messencerdə kontentin kifayət qədər moderasiya edilməməsi ilə bağlı ittiham əsasında həbs olunmuşdu. Daha sonra Durov 5 milyon avro məbləğində girov qarşılığında azadlığa buraxılıb.
Qeyd edək ki, LGBT hərəkatı Rusiyada ekstremist təşkilat kimi tanınıb və qadağan edilib.
