Bolqarıstanın Baş naziri Rosen Jelyazkov həftələrlə davam edən korrupsiya və vergi artımlarına qarşı etirazların fonunda hökumətinin istefasını açıqlayıb. Qərar parlamentdə gözlənilən etimad səsverməsindən əvvəl canlı efirdə elan olunub.
İstefaya səbəb ölkənin 1 yanvar tarixində Avrozonaya daxil olmasına etiraz olaraq başlayan və daha sonra korrupsiya ittihamlarına qarşı genişlənən aksiyalar olub.
Jelyazkov bildirib ki, koalisiya tərəfdaşları ilə vəziyyəti qiymətləndiriblər və “cəmiyyətin gözləntiləri qarşısında məsuliyyət hiss etdikləri” üçün istefaya qərar veriblər.
İstefadan sonra belə, Sofiya və ölkənin müxtəlif şəhərlərində minlərlə insan küçələrə çıxaraq aksiyaları davam etdirib. Etirazçılar yüksək dövlət xərclərini qarşılamaq üçün sosial sığorta haqlarının və dividendlərə verginin artırılmasına qarşı çıxırdılar.
Hökumət təzyiqlərdən sonra 2026-cı il büdcə layihəsini geri çəksə də, narazılıqlar səngiməyib.
Bolqarıstan son dörd ildə artıq yeddi dəfə seçki keçirib və siyasi böhran dərinləşməkdə davam edir. Prezident Rumen Radev hökuməti istefaya çağırmış və parlamentdə razılıq əldə olunmazsa, müvəqqəti hökumət təyin edəcəyini bildirib.
Ölkədə yenidən növbədənkənar seçkilərin keçirilməsi ehtimalı güclənib.
