11 dekabrda Banqkok şəhərində Azərbaycanın Tailand Krallığındakı səfirliyinin rəsmi açılış mərasimi keçirilib. Xarici İşlər Nazirliyinin məlumatına görə, tədbirdə Azərbaycan xarici işlər nazirinin müavini Elnur Məmmədov və Tailandın xarici işlər nazirinin müavini Vijavat İsarabhakdi iştirak ediblər.
Açılış mərasimi Azərbaycanın dövlət bayrağının səfirlik binası qarşısında qaldırılması ilə başlayıb. Daha sonra hər iki ölkənin rəsmiləri səfirliyin fəaliyyətə başlamasını simvolizə edən lenti kəsiblər.
Tədbirin davamında diplomatik korpusun üzvlərinin, rəsmi şəxslərin və qonaqların iştirakı ilə rəsmi qəbul təşkil olunub.
Azərbaycan-Tailand münasibətlərinin inkişafında mühüm mərhələ sayılan bu addım iki ölkə arasında siyasi, iqtisadi və mədəni əməkdaşlığın genişlənməsinə töhfə verəcək.
