DÇ-2026-nın “E” qrupunda Almaniya millisi Kot-d’İvuar yığması ilə qarşılaşıb.
Görüş Almaniya millisinin 2:1 hesablı qələbəsi ilə başa çatıb. Kot-d’İvuar yığması matçda hesabı birinci açsa da, Almaniya ikinci hissədə geri dönüş edərək 3 xalı son dəqiqələrdə təmin edib.
Kot-d’İvuarın qolunu 30-cu dəqiqədə Frenk Kessye vurub. Epizodda Yan Diomande sol cinahdan cərimə meydançasına daxil olaraq topu qapı önünə ötürüb. Amad Diallonun yaxın məsafədən zərbəsi dəf edilsə də, Kessye boş qapıya tamamlayıcı zərbə ilə komandasını önə keçirib.
Almaniya millisi fasiləyə 0:1 hesabı ilə geridə yollanıb. İkinci hissədə baş məşqçi Yulian Naqelsmann hücum xəttində dəyişikliklər edib və Deniz Undavın meydana daxil olması oyunun gedişini dəyişib.
68-ci dəqiqədə Almaniya hesabı bərabərləşdirib. Nadim Amiri sağ cinahdan topu cərimə meydançasına ötürüb, Deniz Undav isə yaxın məsafədən dəqiq zərbə ilə hesabı 1:1 edib.
Matçın əsas vaxtına əlavə olunmuş dəqiqələrdə Almaniya qələbə qolunu vurub. 90+4-cü dəqiqədə Feliks Nmeça topu Undava ötürüb. Almaniyalı hücumçu müdafiəçidən dönərək zərbə endirib və topu qapının küncünə göndərib — 2:1.
Bu nəticədən sonra Almaniya millisi qrup mərhələsində vacib qələbə qazanıb. Kot-d’İvuar isə uzun müddət üstünlüyünü qorusa da, son dəqiqələrdə buraxdığı qol səbəbindən meydanı xalsız tərk edib.
