Abşeron rayonunun Xırdalan şəhərində baş verən hadisə ilə bağlı Fövqəladə Hallar Nazirliyi məlumat yayıb.
Dekabrın 21-i saat 23:30 radələrində FHN-in 112 qaynar xəttinə Məmməd Əmin Rəsulzadə küçəsində yerləşən mənzildə vətəndaşların bağlı qapı arxasında köməksiz qaldığı barədə məlumat daxil olub.
Hadisə yerinə dərhal FHN-in Xüsusi Riskli Xilasetmə Xidmətinin xilasediciləri cəlb olunub. Əməliyyat zamanı 1940-cı il təvəllüdlü G. Əliyeva, 1979-cu il təvəllüdlü C. Həsənova və 2013-cü il təvəllüdlü İ. Mehdiyevin uzun müddət telefon zənglərinə cavab vermədiyi müəyyən edilib, bu isə həyati təhlükə yaradıb.
Xilasedicilər tərəfindən mənzilin qapısı xüsusi vasitələrlə açılıb. İlkin ehtimala görə, dəm qazından zəhərlənmiş şəxslərə ilkin tibbi yardım göstərilib və onlar dərhal xəstəxanaya çatdırılıblar. Hadisənin səbəbləri araşdırılır.
