Əli Xameneinin oğlu Möctəba Xameneinin hakimiyyətə mümkün gəlişi ilə bağlı narahat olduğu iddia edilir. Bu barədə “CBS News” kəşfiyyat mənbələrinə istinadən məlumat yayıb.
Mənbələrin sözlərinə görə, böyük Xamenei oğlunu ölkəyə rəhbərlik etmək üçün kifayət qədər hazırlıqlı və uyğun fiqur hesab etmirdi. Bildirilir ki, kəşfiyyat xidmətlərinin topladığı məlumatlarda onun şəxsi həyatı ilə bağlı problemlərin də qeyd olunduğu göstərilir.
Həmçinin xəbərə görə, ABŞ prezidenti Donald Tramp, vitse-prezident Cey Di Vens və digər yüksək rütbəli məmurlar Möctəba Xamenei ilə bağlı kəşfiyyat məlumatları barədə məlumatlandırılıb.
Tramp isə şəxsi söhbətində bu məlumatların nə dərəcədə əhəmiyyətli olduğuna əmin olmadığını bildirib və əlavə edib ki, hazırkı vəziyyətdə İranın faktiki olaraq rəhbərsiz qaldığını düşünür.
