Terror təşkilatı YPG/SDQ-nin siyasi qanadının lideri Salih Müslimin qardaşı oğlu Usama Müslim Suriya ordusunun Hələb şəhərində apardığı əməliyyatların yalnız orada qalmayaraq ölkənin şimal istiqamətlərinə də yayılma ehtimalına diqqət çəkib və bu prosesə dair narahatlığını bildirib.
Müslim, verdiyi açıqlamada terror təşkilatının sülh və müzakirə prosesində yetərincə iradə göstərməməsinin ordunu Əşrəfiyyə və Şeyx Maqsud kimi bölgələrə qarşı əməliyyatlar aparmağa “zorladığını” söyləyib və bu taktikanın gələcəkdə Deyr Hafir, Tabka və Ayn’ul Arab kimi ərazilərə yayıla biləcəyini qeyd edib.
O, Suriya daxilində kürd əhalisinin yaşadığı bölgələrdə siyasi və sivil fəaliyyətlərin YPG/SDQ tərəfindən ciddi nəzarət altında olduğunu, müxaliflərin isə basqı, həbs və zorakılığa məruz qaldığını iddia edib və siyasi ixtilafların müharibə yolu ilə deyil, dialoq və müzakirə ilə həllini dəstəklədiyini vurğulayıb.
Müslim Suriya ordusunun əsl qüvvə olduğunu və ölkə gənclərinin də bu münaqişədə sülhə yönəlməsi lazım olduğunu bildirərək müharibə dövrünün bitməli və yeni sülh dövrünün başlamalı olduğunu ifadə edib.
