Türkiyə milli komandası 2026-cı il dünya çempionatının Avropa zonası üzrə pley-off mərhələsində finala vəsiqə qazanıb. İstanbulda keçirilən “C” yolu yarımfinal görüşündə Türkiyə Rumıniyanı 1:0 hesabı ilə məğlub edib. Matçın yeganə qolunu 53-cü dəqiqədə Ferdi Kadıoğlu vurub.
Bu nəticə ilə Türkiyə yığması pley-offun həlledici mərhələsinə adlayıb. UEFA-nın rəsmi pley-off cədvəlinə əsasən, Türkiyənin finaldakı rəqibi Slovakiya – Kosovo cütünün qalibi olacaq. Final oyunu 31 mart 2026-cı ildə keçiriləcək və bu mərhələdə qalib gələn komanda DÇ-2026-ya vəsiqə əldə edəcək.
FIFA-nın rəsmi məlumatına görə, 2026-cı il dünya çempionatı 11 iyun–19 iyul tarixlərində ABŞ, Kanada və Meksikada təşkil olunacaq. Turnirdə ümumilikdə 48 milli komanda iştirak edəcək. Avropa pley-offunda isə dörd əlavə vəsiqə uğrunda mübarizə davam edir.
