Türkiyə Silahlı Qüvvələrinin Baş Qərargah rəisi ordu generalı Selçuk Bayraktaroğlu avqustun 19-da ABŞ və Səudiyyə Ərəbistanının yüksək rütbəli hərbi rəhbərləri ilə ayrı-ayrılıqda telefon danışıqları keçirib.
MSNews.az xəbər verir ki, Türkiyə Silahlı Qüvvələrinin açıqlamasına əsasən, Bayraktaroğlu ABŞ Silahlı Qüvvələrinin Birləşmiş Qərargah Rəisləri Komitəsinin sədri general Dan Keyn ilə danışıb. Görüş zamanı ikitərəfli münasibətlər və regional məsələlər müzakirə edilib. Bu barədə “DHA” məlumat yayıb.
Bayraktaroğlu eyni gün Səudiyyə Ərəbistanı Silahlı Qüvvələrinin Baş Qərargah rəisi general Fayyadh bin Hamed Al-Ruvaili ilə də telefon əlaqəsi saxlayıb. Türkiyə Milli Müdafiə Nazirliyinin açıqlamasında bu görüşdə də ikitərəfli münasibətlər və regional məsələlərin nəzərdən keçirildiyi bildirilib.
Rəsmi açıqlamalarda danışıqlarda müzakirə olunan konkret regional mövzular və tərəflər arasında əldə edilən mümkün razılaşmalar barədə əlavə məlumat verilməyib.
