ABŞ prezidenti Donald Trampın təqdim etdiyi sülh planı çərçivəsində Ukraynanın 2,300 kvadrat kilometr ərazini Rusiyaya verməsi nəzərdə tutulur. AFR Agentliyinin məlumatına görə, bu sahə Lüksemburq ərazisi qədər böyükdür.
Sənədin digər hissəsində isə Donetsk bölgəsində bufer zona kimi formalaşdırılacaq təxminən 5,000 kvadrat kilometr ərazinin Ukrayna nəzarətindən çıxmasını tələb edir. Luqansk bölgəsində isə yalnız 45 km² ərazi Ukraynanın nəzarətində qalacaq. Əvəzində Moskva Xarkov (2,000 km²), Dnepropetrovsk (450 km²), Sumı (300 km²) və Çerniqov (20 km²) bölgələrindən geri çəkilməlidir.
“Reuters” agentliyi həmçinin plan çərçivəsində güzəştə gedilməsi nəzərdə tutulan əraziləri əks etdirən xəritəni yayımlayıb.
