ABŞ Prezidenti Donald Tramp Kanadanın Çinin daxil olduğu ticarət razılaşmasına getməsi halında ölkədən ABŞ-a idxal olunan bütün mallara dərhal 100 % gömrük vergisi tətbiq ediləcəyini bildirib.
Tramp bu bəyanatı sosial media hesabında Kanada Baş naziri Mark Karninin Çinlə iqtisadi əlaqələri genişləndirməsini tənqid edərkən verib. Tramp Kanadanın Çin mallarını ABŞ bazarına çıxarmaq üçün “tranzit limanı” roluna çevrilməsinin yanlış olduğunu və bu addımın Kanada iş dünyası və sosial quruluşuna zərər verəcəyini iddia edib.
Bu hədələmə, Kanadanın Pekində Çinin iqtisadi tərəfdaşlığı ilə bağlı yeni ticarət razılaşmasını müqavilələşdirdiyi dönəmdə səsləndirilib və Vaşinqton–Ottava münasibətlərində gərginliyin artdığına işarədir.
Tramp həmçinin Kanadanı “sərt nəticələrlə” üzləşdirəcəyi barədə xəbərdarlıq edərək, məhz, bu nöqtəyə gəldikdə bütün Kanada məhsullarının ABŞ-a girişinə 100% gömrük vergisi tətbiq olunacağını vurğulayıb.
