ABŞ Prezidenti Donald Tramp bildirib ki, Vaşinqtonla Tehran arasında aparılan danışıqlarla əlaqəsi olmayan çoxsaylı “sazişlər”, “siyahılar” və “məktublar” dövriyyəyə buraxılır və bunları yayanlar bir çox hallarda “fırıldaqçılar və şarlatanlar”dır.
“Reuters”-in məlumatına görə, Tramp aprelin 8-də sosial şəbəkədə paylaşım edərək federal araşdırma ilə hədələyib və bu materialların atəşkəs razılaşmasının əsası olmadığını deyib.
Nəşr yazır ki, Trampın əsas mesajı bundan ibarət olub: ABŞ üçün yalnız “bir qrup əhəmiyyətli MƏQAM” məqbuldur və məhz həmin bəndlər son atəşkəs anlaşmasının bazasını təşkil edir. O, bu şərtlərin qapalı qapılar arxasında müzakirə olunacağını bildirib, amma onların məzmununu açıqlamayıb. Eyni mənbəyə görə, Tramp “ABC News”-a danışıqların cümə günü başlamasının gözlənildiyini və prosesin sürətli gedə biləcəyini də deyib.
