ABŞ Prezidenti Donald Tramp dünya enerji ticarətinin strateji marşrutlarından biri olan Hörmüz boğazının adının dəyişdirilərək “Tramp boğazı” adlandırılması ideyasını yenidən gündəmə gətirib.
MSNews.az xəbər verir ki, ABŞ lideri boğazın adının dəyişdirilməsi ehtimalından danışarkən regiondakı ərəb ölkələrinin mümkün reaksiyasına da toxunub.
“Sizcə, buranın adını dəyişərək ‘Tramp boğazı’ qoysaq, ərəb ölkələri buna necə reaksiya verər? Biz bunun öhdəsindən asanlıqla gələrik”, – deyə ABŞ Prezidentinin bildirdiyi qeyd olunur.
Tramp daha əvvəl də Hörmüz boğazının ABŞ-nin nəzarətində olduğunu iddia edərək onun öz adı ilə adlandırılmasını təklif etmişdi.
Sentyabrın 2-də “Al Jazeera” telekanalının yaydığı məlumata görə, Tramp sosial media paylaşımında boğazın ABŞ-nin nəzarətində olduğunu bildirərək onun “Tramp boğazı” adlandırılması barədə sual ünvanlamışdı.
