Almaniya hökumətinin sözçüsü Sebastian Hille bildirib ki, Suriya Prezidenti Əhməd əl-Şaraa 19-20 yanvar tarixlərində Berlində rəsmi işgüzar səfərdə olacaq.
Əl-Şaraa səfər çərçivəsində Almaniya Baş naziri Fridrix Merz ilə görüşəcək, görüşdən sonra isə birgə mətbuat konfransı təşkil olunacaq.
Hille həmçinin qeyd edib ki, Şaraa Alman Sənaye və Ticarət Ocağında ölkənin əsas iqtisadi şirkətlərinin nümayəndələri ilə dəyirmi masa görüşündə iştirak edəcək; görüşdə Almaniyanın iqtisadiyyat naziri Katerina Rayxe və xarici işlər naziri İohann Vadeful da iştirak edəcək.
Bundan əlavə, Şaraa səfər çərçivəsində Almaniya Prezidenti Frank-Valter Ştaynmayer ilə də görüşəcək və tərəflər diplomatik və iqtisadi əlaqələrin inkişafı üzrə müzakirələr aparacaqlar.
