Almaniyanın paytaxtı Berlin məhkəməsi sosial mediada Qəzza ilə bağlı bir paylaşımın altına yazdığı şərhdə Xolokostu kiçiltmək və bu yolla xalqı nifrətə sövq etməkdə günahlandırılan bir şəxsi 6 000 avro məbləğində para cəzasına məhkum edib.
Tirqarten Məhkəməsi qərarında 40 yaşlı şəxsin 29 oktyabr 2023-cü il tarixində “Realitat İslam” adlı qrupun “Qəzza = Auschwitz 2023” başlıqlı paylaşımına şərh yazaraq Nasist dövründə təxminən altı milyon yəhudinin öldürülməsi ilə İsrailin Qəzza hücumlarını eyniləşdirdiyini və bununla da, ictimaiyyəti düşmənçilik ruhuna sövq etdiyini bildirib.
Məhkəmə prosesində təqsirləndirilən şəxs hisslərinin emosional olaraq qarışıq olduğunu və Xolokostu kiçiltməyi heç vaxt niyyət etmədiyini söyləyərək anlaşılmazlıq üçün üzr istədiyini ifadə edib, lakin hakimin verdiyi cəza bu şərhin qanuni nəticəsi olaraq tətbiq olunub.
