ABŞ və Türkiyə arasında diplomatik görüşlərdə uzun illər dil və mədəniyyət “körpüsü” rolunu oynayan Olcay Kartarı Rached 76 yaşında vəfat edib.
“Sirr qadını” ləqəbi ilə də tanınan Rached Ağ Ev, Birləşmiş Millətlər Təşkilatı və Dünya Bankı kimi yüksək səviyyəli beynəlxalq görüşlərdə rəhbər dövlət başçılarının çıxış və müzakirələrində tərcüməçi və etibarlı məsləhətçi kimi iştirak edib.
O, 1950-ci illərdə Qarsda doğulub, Ankara Universiteti Dil və Tarix-Coğrafiya fakültəsini bitirdikdən sonra Hacettepe Universitetində türk dili və ədəbiyyatı üzrə ixtisaslaşıb.
Peşəkar karyerasına müəllim kimi başlayan Rached daha sonra “Amerikanın Səsi” radiosunda çalışaraq qısa müddətdə diplomatik dairələrdə tanınan şəxsiyyətə çevrilib və ABŞ-Türkiyə əlaqələrinin ən kritik anlarında iki ölkə liderləri arasında səviyyəli bir “sirdaş” kimi çıxış edib. Onun vəfatı həm Ankara, həm də Vaşinqtonda rəsmi dairələrdə böyük təəssüf hissi ilə qarşılanıb, Rachedin uzun illər ərzində qurduğu dil və diplomatiya körpüsünin bu əlaqələrdə əvəzedilməz rol oynadığı vurğulanıb.
