MSNews.az xəbər verir ki, “Fontanka” nəşrinin oktyabrın 11-də yaydığı məlumata görə, prokurorluq internetdə apardığı monitorinq zamanı xoruzların döyüşdürülməsini göstərən görüntülər aşkar edib. Materiallarda heyvanlara qarşı qəddar rəftar əlamətlərinin olduğu müəyyənləşdirilib.
Araşdırma zamanı görüntülərin yayımlandığı internet resursunun sahibini müəyyən etmək mümkün olmayıb. Bundan sonra prokurorluq həmin materialların yayılmasının qadağan edilməsi tələbi ilə məhkəməyə müraciət edib.
“Vzqlyad”nəşrinin məlumatına əsasən, məhkəmə prokurorluğun iddiasını təmin edərək sözügedən foto və videoların internetdə yayılmasını qanunsuz hesab edib. Məhkəmənin qərarı artıq qanuni qüvvəyə minib.
Qərar heyvanlara qarşı qəddar rəftarı əks etdirən və bu cür davranışı təbliğ edən materiallarla bağlıdır. Bu, xoruzların iştirak etdiyi bütün foto və videoların avtomatik qadağan olunması demək deyil.
Maraqlıdır ki, xəbər sosial şəbəkələrdə istehzalı reaksiyalara da səbəb olub. Bəzi istifadəçilər Rusiyanın tanınmış televiziya aparıcısı Vladimir Solovyovun siyasi debatlarla müşayiət olunan verilişinə eyham vuraraq “Bəs rusiyalılar indi Vladimir Solovyovla axşam verilişinə necə baxacaqlar?” sualını səsləndiriblər.
