Azərbaycanın bir qrup qeyri-hökumət təşkilatı Britaniya Parlamentinin Baş Məclisi spikeri Lindsi Hoyl, Lordlar Palatasının spikeri Lord Dramlinli Forsit, Beynəlxalq Hüquqşünaslar Assosiasiyasının prezidenti Klaudio Visko və Britaniyanın Azərbaycandakı səfiri Ferqyus Ould-a açıq məktub göndərərək, Qarabağla bağlı başlanan araşdırmanı dayandırmağa çağırıb.
Müraciət Britaniyanın bir sıra parlament üzvləri və Beynəlxalq Hüquqşünaslar Assosiasiyasının İnsan Hüquqları İnstitutu tərəfindən aparılan “Dağlıq Qarabağda erməni mədəni irsinin məhv edilməsi” mövzusunda araşdırma ilə bağlıdır. QHT-lər bildiriblər ki, “Dağlıq Qarabağ” termini hüquqi baxımdan düzgün deyil, çünki Qarabağ beynəlxalq ictimaiyyət tərəfindən Azərbaycanın suveren ərazisi kimi tanınır.
Məktubda vurğulanır ki, təşəbbüs siyasi xarakter daşıyır və Azərbaycan ilə Ermənistan arasında münasibətlərin normallaşma prosesinə mənfi təsir göstərə bilər. Həmçinin, imzacı təşkilatlar araşdırmanın qərəzli ifadələrdən ibarət olduğunu, neytral iştirakçıların olmamasını və Azərbaycanın rəsmi qurumlarının ilkin mərhələdə prosesə cəlb edilmədiyini qeyd ediblər. Xüsusi tənqid “Center for Justice and Truth” QHT-si ünvanına olub.
Məktubda araşdırmanın dərhal dayandırılması və Britaniyanın Azərbaycandakı səfirinin vəziyyəti həll etmək üçün tədbir görməsi tələb edilir.
Açıq məktubu imzalayanlar arasında:
-
Əmir Əliyev – “Hüquqların Müdafiəsi Mərkəzi”
-
Rizvan Nəbiev – “Hüquqi Analiz və Araşdırmalar”
-
Novella Cəfərova – “D. Əliyeva adına Qadın Hüquqlarının Müdafiəsi”
-
Səadət Bənənyarlı – Beynəlxalq İnsan Hüquqları Cəmiyyətinin Azərbaycan şöbəsi
-
Əliməmməd Nuriyev – “Konstitusiya” Araşdırmalar Fondu
-
Zaur İbrahimli – Azərbaycan Milli QHT Forumunun İdarə Heyətinin üzvü
-
Oğuz Məmmədov – “Zəngi – Tarixi İrsin Öyrənilməsi”
-
Dilqəm Əhməd – Milli İrs Araşdırmaları Mərkəzi “Çapar”
-
Fəriz Xəlilli – Mədəni İrsin Öyrənilməsinə Dəstək “Miras”
-
Xalid Kazımov – “Regional İnsan Hüquqları və Media Mərkəzi”
-
İradə Rzazadə – “Vətəndaşların Sosial Rifahı Naminə”
