“Qarabağ” İsveç çempionu “Myellbü”nun mərkəz müdafiəçisi Abdullah İqbala maraq göstərir. 23 yaşlı futbolçu həm klubunda, həm də Pakistan milli komandasında kapitanlıq edir.
Azərbaycanın ən titullu klublarından olan “Qarabağ” İsveç çempionu “Myellbü”nun futbolçusu Abdullah İqbala maraq göstərir.
MS-News.az xəbər verir ki, 23 yaşlı mərkəz müdafiəçisi Ağdam klubunun transfer hədəfləri sırasında önəmli yer tutur.
Abdullah İqbal 2024-cü ilin avqustundan “Myellbü”də çıxış edir. Bu müddət ərzində gənc müdafiəçi komandasının uğurlarında mühüm rol oynayıb. “Myellbü” başa çatan mövsümdə İsveç çempionu adını qazanıb. O, cari mövsümdə 24 oyunda meydana çıxıb və mövqeyində stabil performans göstərib.
Abdullah İqbal, eyni zamanda, Pakistan milli komandasının kapitanıdır. O, milli heyətdə 19 oyuna çıxaraq komandasının müdafiəsini idarə edib və liderlik bacarığını nümayiş etdirib. Bu faktor Ağdam klubunun diqqətini daha da artırır.
“Qarabağ”ın bu futbolçunu heyətinə qatmaq istəyi Azərbaycan Premyer Liqasının gələcək mövsümü üçün böyük maraq doğurur. Həm klublararası danışıqlar, həm də futbolçunun istək və uyğunluğu yaxın həftələrdə müəyyən olunacaq.
