“Ebo Nuh” kimi tanınan Evans Eşun adlı şəxs Qana polisi tərəfindən gözaltına alınıb. O, sosial media paylaşımlarında “25 dekabr 2025-ci ildə böyük tufan (sel felaketi) baş verəcək” deyə iddia etmiş və buna hazırlıq üçün Nuhun gəmisinə bənzər böyük bir taxta qurğu inşa etdiyini bildirmişdi. Bu iddialar səbəbindən ölkədə geniş ictimai müzakirələr və narahatlıq yaranmışdı.
Rəsmi açıqlamaya görə, Eşun Polis Baş Müfəttişliyinin xüsusi kiber yoxlama qrupu tərəfindən 31 dekabr gecəsi keçirilən dini tədbirlərdən əvvəl sosial mediada yayılan paylaşımları izləmək və ictimai asayişə təhlükə yarada biləcək məlumatları önləmək məqsədi ilə saxlanılıb. Hazırda ona qarşı rəsmi ittiham qaldırılmayıb və məhkəmə tarixi hələ müəyyən edilməyib. Hətta sosial mediada onun insanlardan yığdığı pullarla aldığı son model avtomobilon görüntüləri də yayılıb.
Ebo Nuh adını istifadə edən 30 yaşlı Eşun, bir müddət əvvəl sosial mediada “ilahi bir baxış” aldığını, dünyanın 25 dekabrda selə qərq olacağını və yalnız öz düzəltdiyi gəmidə xilas ediləcəyini iddia etmişdi. Onun videolarında böyük sayda taxta lövhələr və insanları gəmi inşasına qatılmağa çağırdığı görüntülər yayılmışdı.
Lakin 25 dekabr keçdiyi halda heç bir tufan baş verməyib, bunun üzərinə Ebo Nuh bir videoda “dua və oruc sayəsində Tanrını fəlakəti ertələtməyə nail olduğunu” iddia etmişdi. Bu iddia sosial mediada narazılıq və tənqidlərin artmasına səbəb olmuşdu.
Qana polisi ictimaiyyəti sakit olmağa və spekulyasiyalardan çəkinməyə çağırıb, sorğuların davam etdiyini və hüquqi proseslərin düzgün şəkildə yerinə yetiriləcəyini bildirib.
