Nyu‑York şəhərinin müsəlman meri Zöhran Mamdani şəhərdə təsis etdiyi “sığınacaq şəhər” statusunu daha da gücləndirmək məqsədilə təşkil olunan “İllik dinlərarası süfrə” tədbirində çıxış edərək immiqrasiya siyasəti ilə bağlı fikirlərini bölüşüb.
Mamdani çıxışında İslamın köçlə bağlı əsas təlimlərindən ilhamlandığını və bu baxımdan Hz. Məhəmmədin Məkkədən Mədinəyə hicrətini örnək göstərdiyini bildirib.
O, hicrətin yalnız tarixi bir hadisə olmadığını, eyni zamanda məcburi köçkünlər üçün əxlaqi rəhbərlik təklif etdiyini vurğulayıb. Mamdani Quranın “Nəhl” surəsi 16:42‑yə istinad edərək, “Zülmə məruz qalıb sonra hicrət edənləri dünya həyatında mütləq gözəl bir yerə yerləşdirəcəyik” ayəsini xatırladıb və Hz. Məhəmmədin “İslam qərib başlayıb və başladığı kimi qərib olaraq geri dönəcəkdir; qəriblərə nə gözəl!” kəlamını sitat gətirib.
Mamdani inancla dövlət məsuliyyəti arasında bir körpü quraraq, hökumətin lazım olan resursları təmin etməli olduğunu və sığınacaq axtaranların yanında daya biləcəyini vurğulayıb. O, çıxışında “Bu gün, sabah və gələcək hər gün qəribə yardım edəcəyik” sözlərini səsləndirərək Nyu Yorkun çoxkulturel strukturunu qorumaq niyyətini bir daha təsdiqləyib.
Şəhər rəhbərinin bu dini və əxlaqi motivasiyaya əsaslanan çıxışı, immiqrasiya siyasətinə dair davam edən müzakirələr fonunda geniş maraq doğurub və verilən yeni qərarların yerli icmalar və köçkünlərə təsiri diqqətlə izlənilir
